Niadtong Hulyo 29, 2008 adunay nag-text nako gamit ang cell. no. 0926-7145440 (Sent: 01:45:34 pm) nga nagpaila lang nga Ermita Women's Organization.
Ang ilang gipaabot nga reklamo mao ang mahitungod sa pamilya sa usa ka tanod nga motubag sa ngalan sa Sixto nga nagpuyo ubos sa Day Care Center nga duna pay toilet.
"Kada buntag mag-inom until hapon, magtari og manok, ngil-ad kaayo tan-awon sa mga bata nga mosaka-kanaog sa Day Care Center. Gipapahawa na sila sa una pero nibalik man gihapon. Maglisod ang mag-CR kay nag-ali ang ilang mga butang, labhonon ug iro. Ug si Sixto kun mahubog magpataka lang pangihi, dili pa gyod sila mobayad kun mag-CR," nagkanayon ang atong texter.
Sanglit wala man nako makita ang aktuwal nga sitwasyon, dili lang una ko mokomentaryo. Ang ako lang ikapangutana kun nganong gipasagdan man sa mga barangay opisyal nga daw gihimo nang residensiya sa usa ka tanod ang ubos sa Day Care Center sa Ermita?
Kang kinsa man nga propiyedad kanang gilun-an sa pamilya ni Sixto? Iya ba kana sa kagamhanan? O sa pribadong tawo? Mangayo tag explanation niini gikan sa barangay. Bukas kining lindog alang sa ilang pamahayag.
* * *
"Good PM, Sir. Reklamo lang ko bahin ining mga dispatcher og taxi diha sa Borromeo St., atubang sa may Jollibee. Matag gabii dagko silag pangayo ngadto sa mga taxi driver, tag P15. Kada larga gyod basta molinya diha." -- 0905-2089777 (Sent: 04:49:19 pm--July 30, 2008)
Atong hangyoon ang mga tanod, kapolisan ug ubang law enforcement agencies sa pagbadlong nianang maong mga dispatser. Klarong extortion kanang ilang gibuhat busa angay gyod silang pitolon.
Manghinaot tang masumpo sa proper authorities kanang gihimong tinonto sa bagag nawong nga mga dispatser diha sa Borromeo. Angay gyod ning aksiyonan sa mga awtoridad.
Dalial!
(Sumbong ug reklamo? Text sa 0910-8105522