Hugaw pa's lapok

Nakadawat ko’g mubo apan undanon nga text messages niadtong Agosto 6, 2008. Matud pa sa texter, ang mga politiko nga nidaog sa miaging eleksiyon tungod sa pagpamalit sa boto sa katawhan hugaw pa's lapok sa tunaan sa kabaw.

Uyon ko sa panahom sa maong texter. Ug nakaseguro kong daghan ang naigo niini. Mao man niy matawag tang modus operandi sa mga "trapo."

* * *

Sa samang adlaw, nakadawat sab ko’g text gikan sa cell, no. 0910-4690866. May gisumbong siya nako mahitungod sa iyang kasinatian sa pagpangaplay og trabaho (Sent: 06:58:25 am).

Matud niya, nangaplay siyag trabaho sa usa ka kompaniya nga mihatag pod niyag gamay'ng konsuylo. Nangutang god (kuno) siyag P1,600 aron lang makapasar sa exam. (Uy, pabayron diay sila sa exam?)

Unya, aron ma-hired siya, kinahanglang mo-purchase siyag produkto nga gibaligya sa maong kompaniya.

Uy, puyde diay ang ingon ini? Legal ba ning maong practice? Mangayo tag katin-awan niini sa DOLE. Please, edukaha mi!

* * *

Dunay sugyot ang lain natong texter. Bahin sa police visibility ang iyang concern.

Niya pa: "Good evening, Sir. Maayo unta nga butangan og police outpost kanang luyo sa old White Gold kay anha gyod diha manaog ang mga tulisan nga manulis sa 01K nga jeep. Daghan na gyud ang nabiktima nila. Usa na ko." -- 0918-3433013 (Sent: 11:22:32pm--August 5, 2008)

Uyon gihapon ko sa sugyot sa atong texter.

Ug aron paghatag og katagbawan sa mga magbubuhis, mas maayong madakpan gyud sa kapolisan kanang mga tulisan nga manulis sa mga PUJ ug anha mokanaog sa karaan nga White Gold.

Sakto ba ko, mga Sir?

* * *

(Sumbong ug reklamo? Text sa 0910-8105522)