Daghan na kaayo kog nadawat nga text messages nga nagreklamo sa kataas sa plitehan nga gipaningil sa mga driver sa multicab nga magbiyahen sa rotang highway paingon sa Soong. Usa na niini ang naggamit sa cell. no. 0921-7665395.
Ang iyang text nagkanayon: "Good day, Sir. Unsaon man pagsulbad ning modus sa mga multicab diri sa Lapulapu? Grabe kaayo sila kataas og plite. Gikan highway padung sa Soong kay P21 man. Unya ang nagbuot ana mao ang mga driver ra. Alaot kaming mga pasahero." -- (Sent: 07:10:35 am--August 2, 2008)
Pila man gyud diay ang saktong plitehan gikan sa highway paingon sa Soong base sa taripa sa bag-ong plitehan nga gipatuman? Kun wala mahasubay sa taripa kanang gipaningil nga P21 sa mga driver, dako kanang illegal. Isumbong kana ninyo sa LTO o ba kaha sa LTFRB.
* * *
"Reklamo lang ko bahin sa namaligyag NFA rice diri sa Patupat, Barili. Naa siyay pinalabi sa mga tawo. Sa uban 6 kilos ray iyang ihatag pero ang suod sa kapitan ug mga paryente 20 kilos ang mapalit." -- 0922-5543126 (Sent: 09:0012am--August 2, 2008)
Dili lang una ko mokomentaryo mahitungod niini. Hinuon, akong buksan kining lindog alang sa pamahayag sa NFA retailer diha sa Patupat, Barili. Mas maayong iyang tubagon kining pasangil sa atong texter aron maklaro kun unsa gyu’y tinuod. Mas maayong motabang pod pagpasabot ang kapitan sa maong barangay.
* * *
"Good PM. Gawas sa ginadiling drugas, kusog sab kaayo ang kawat diri sa brgy. Ocaña, Carcar City, Cebu." -- 0915-2729991 (Sent: 01:16:36pm--August 2, 2008).
Mamarayeg ta sa kapolisan sa Carcar City sa pag-counter check niining maong sumbong. Dakog posibilidad nga tinuod kini.
Hasol ug puwerhisyo ang mga kawatan ngadto sa mga molupyo sa usa ka dapit nga ilang hasion. Busa angay silang sumpoon. Aksiyoni!
* * *
(Sumbong ug reklamo? Text sa 0910-8105522)