Si abogado Manuel Iway, kanhi direktor sa LTFRB-7, mi-petition ngadto sa ahensiya nga iyang gipangulohan niadto nga i-rollback og P2 ang plitehan sa PUJ ug tangtangon ang P10 add-on sa taxi fares.
Popular nga lihok kining gihimo ni abogado Iway. Seguradong gihangop kini sa kadaghanan.
Popular ug gihangop. Apan ang mga operator ug drayber mipahibawo nang daan nga dili ug dili gayud sila mosugot sa rollback.
Ang mahitabo nasad niini mao nga ang pagsupak sa mga drayber sa petition ni Maning Iway ubanan nasab nila kini og pagpanghudlat nga mopahigayon sila og halapad nga transport strike.
Naanad ug sayod na sila nga ang mga commuter wala gayu’y makahimo kun ilang ipahigayon ang welga.