Dili pa lang dugay usa ka ginang hapit ligsi og PUJ samtang nagtabok sa dan subay sa pedestrian lane. Atbang kini sa Gaisano South, eskina Leon Kilat ug Colon.
Nahitabo kini tungod kay bisan stop na ang traffic light alang sa mga sakyanan, mipadayon gihapon og padagan ang PUJ driver hangtud nitungtong na ang maong sakyanan sa pedestrian lane.
Kanang pedestrian lane alang kana sa mga tawo nga molabang og dan. Daghang bugo nga mga drayber ang wa masayod niini ug kun nasayod man di lang gyud gustong motuman sa regulasyon.
Kinahanglan nga ipatahod sa mga drayber kining pedestrian lane aron kahatagan sab og pagtahod ang katungod sa katawhan.