Ang administrasyon ni Pangulong Arroyo naninguha gihapon nga mabanhaw ang peace process tali sa Gobiyerno ug Moro Islamic Liberation Front (MILF).
Masaligon ang Pangulo nga duna pa gyu’y makab-ot nga kalinaw sa Mindanao.
Apan daghang mga tigpaniid ang milingo-lingo-- nangyamiid pa man gani ang uban -- sa gipakitang kamasaligon ni Mrs. Arroyo.
Misalig gihapon ang Pangulo sa mga Moros bisan pa nga mipakita’g kaarogante ug kamasupilon ang mga lider sa MILF.
Kami nagtuo nga walay peace process nga molampos kun dili unta tudloan ang mga Moros sa pag-ila ug pagtahod sa atong mga balaud.