Shabu naghitak

“Good day, Sir. Gusto lang kong mabulgar ang talamak na bintahan ng shabu dito sa sitio Pailub, brgy. Sambag 2. Kung Sabado mayroon pang sabungan. Di ba bawal yan? May pulis sanang pumunta pero bigyan lang ng pera, wala na. Uwi na lang ang pulis.’ -- 0929-7354116 (Sent: 05:13:30pm-- July 4, 2008)

“Bawal” kaayo ang tukis basta dili makakuha’g permit. May mga higayon hinuon nga itugot ang tukis o tigbakay kun makakuha kini’g permit, labina kun may mahinungdanong okasyon nga ipahigayon.

Pero kanang gitaho sa atong texter nga kada Sabado naay tigbakay diha sa sitio Pailub, brgy. Sambag 2, nagtuo kong wala gyud kanay permit ug busa, illegal activity kana.

Bahin sa giingon sa atong texter nga naghitak nga payuhot og shabu sa nahisgotang dapit, angay kining subayon aron masuta kun tinuod ba kini o dili. Mas maayong ma-counter check kini sa proper authorities.

Mas maayo sab unta kun aksiyonan kini sa mga brgy. opisyal ug palihukon nila ang ilang mga tanod.

* * *

“Good AM, Sir. Hangtod ning orasa padayon nga saba kaayo ang videokehan diri sa amo sa Laray, San Roque, Talisay City. Kusog ang sound sa magkanta. Saba kaayo ang mga nanag-inom og bino. Di mi makatulog.” -- 0906-6844944 (Sent:02:06:03am- July 5, 2008)

Base sa text sa atong texter, alas dos na sa kaadlawon pero padayon gihapon sa pagsaba-saba ang videokehan diha sa Laray, San Roque, Talisay City. Disturbo gyud kaayo!

Gitawag nig public nuisance. Ireklamo kana ninyo sa barangay o sa polis. Puyde ninyong pasakaan og reklamo nga unjust vexation ang nagpasiugda niana.

Kun tinud-on ninyo ang pagreklamo, puyde ganing modangop mo sa korte ug mosang-at og kaso para sa civil damages.

Hinuon, kun madala ra ninyo sa sabot-sabot, mas maayo aron dili kaayo hasol.

* * *

(Sumbong ug reklamo? Text sa 0910-8105522)