Kuhaan ang suweldo
Usa ka magbabasa ning lindog nga naggamit sa cellphone number 0926-7851029 mi-text kanako niadtong Enero 24, 2008 (Sent: 11:09:12am) aron pagpadangat sa kasayoran nga adunay pawnshop dinhi sa Sugbu nga kusog kaayong mamentaha sa ilang mga empleyado. Ilado na ang ngalan sa maong pawnshop.
Sumala sa atong texter, pahamtangan og deduction ang suweldo sa mga empleyado bale og
Dugang sa atong texter, nagtrabaho sulod sa 10 ka oras ang mga trabahante sa pawnshop pero walay overtime fee. Kalapasan sab ni sa balaod kini kay walo ka oras ra man ang regular working hours. Duha lang ka letra ang ngalan sa pawnshop nga gipasanginlang naghimo niini. Luoy gyod ang mga empleyado niini.
* **
"Good PM, Sir. Ako lang ipadangat sa imong lindog ang bahin sa gibuhat sa mga enforcer sa Lapulapu. Kining CTMS dunay pinili nga dakpon. Kun mga tawo sa mayor nga dili mag-helmet okey ra. Kun kaming mga ordinaryo nga mga tawo ang dili maghelmet dakpon dayon. Sama nako nga gidakop pero dunay nag-una nako nga wa dakpa kay trabahante kuno sa city hall. Kanang karaan nga enforcer nga kusog manguwarta angay na ilisan sa mayor." -- 0906-7985915 (Sent:
Ang akong ikasulti mahitungod niini mao nga dili na lang ta manghingampa kun dunay uban nga wala dakpa bisan dunay violation. Ang importante mao nga tumanon nato ang balaod aron dili ta dakpon. Tinuod nga unfair kun ang ubang nakalapas sa balaod wala dakpa ug kita ray dakpon tungod sa samang kalapasan. Pero dili kana lig-ong sukaranan para moapil kita paglapas sa balaod.
Nasayod man kita nga gikinahanglan gyod sa usa ka motorista ang helmet, pwes, mag-helmet ta. Otherwise, kun madakpan ta tungod kay wa ta mag-helmet, di na lang ta magbagulbol, bahala nag dunay uban nga wa dakpa. Bahala na sila, basta maneguro ta sa atong kaugalingon pagtuman sa balaod.
(Sumbong ug reklamo? Text sa 0910-8105522).
- Latest
- Trending
