Ulahi na ang tanan

Ang ako amigo nga si Mr. Joe Dublin sa Tapilon ang mi-text nako ning mosunod:

Usa ka babaye ang mi-konsulta sa mananambal tungod sa iyang problema.

Babaye: Dok, kada alas siyete sa buntag lagi kay malibang gyud ko!

Dok: Aw, maayo nuon, nagpasabot kana nga himsog ka. Unsa may problema?

Babaye: Mao lagi na dok kay alas otso naman gud ko makamata. Nangapigsat na!

Pamalandong

Ingon usab usahay ang kinabuhi. Bisan pa man kun nasayod na kita sa posibleng linugdangan sa atong binuhatan apan mahilig kita sa unya-unya hangtud nga maglisud na kita pagsulbad sa problema tungod sa kaalanganin.