Wala motuman

"Duna gihapoy mga tindahan og tambal nga wala motuman sa paghatag og discount sa mga senior citizen sama sa botika nga PP (inisyal) sa Manalili." -- 0921-4470850 (Sent: 06:59:08pm--June 25, 2008)

Hinaot unta nga makaamgo ang ubang mga botika, lakip na ang PP sa may Manalili, sa kadako sa kontribusyon sa mga senior citizen sa pagpalambo sa atong nasud. Pinaagi niini, makombinser unta sila nga ang mga senior citizens angay gyod hatagan sa discount nga gilatid sa balaod alang kanila. Kay dili gyod angay hikawan ang mga senior citizen sa 20% discount sa mga tambal nga ilang paliton sa mga botika.

* * *

"Good PM, Sir. Daghan kaayong shabu diri sa may Basubas Compound dapit. Naa man unta ni sa likod sa detachment sa tanod pero lantaran man kaayo ang pagbaligya." -- Buntag ug bag-ong hapon ang ilang ipamaligya diri. Klaro gyod nga makita." -- 0909-8289247 (Sent: 08:42:02 pm--June 25, 2008)

Isumbong kana ninyo ngadto sa mga opisyal sa inyong barangay aron silay momando sa ilang mga tanod pagsubay nianang imong gisumbong diri  kanato. Kun may contact number kamo sa barangay, tawagi kini ug ipadangat ang kasayoran aron ila kining mapaaksiyonan.

* * *

Sir, ang usa ka opisyal sa barangay diri sa Cadulawan, Minglanilla naay madyongan sa ilaha. Puyde diay na?" -- 0928-9924815 (Sent: 07:52:08pm -- June 26, 2008)

Per se, tulibagbag kaayong paminawon nga ang usa ka piniling opisyal sa barangay mao na hinuon ang matawag tang tigpasiugda sa illegal nga kalihokan.

Dako man gyod ang akong pagtuo nga walay permit sa pag-operate og madyongan ang maong brgy. opisyal. Kun aduna man siyay permit, aw, mas maayo. Pero gamay ra gyod og posibilidad nga may permit kini.

Kun wala ko masayop, nahilakip sa giilang illegal gambling ubos sa Presidential Decree No. 1602 ang mahjong.

Lisod gyod sumpoon ang bisan unsang illegal activities sa usa ka dapit kun adunay mga opisyal sa maong lugar nga na-involve sa maong kalihokan.

* * *

(Sumbong ug reklamo? Text sa 0910-8105522)