August 23, 2008 | 12:00am
Usa ka layko ministro ang misilbi sa misa sa iyang kura. Usa kadto ka kasal ug sanglit gipanghatagan man og sobre ang mga manluhod sa kasal segun sa naandan mao nga nagdali-dali ang usa ka manluhod nga naulahi, ug kay wala na may sobre mao nga kuwarta na lang ang iyang gihatag ngadto sa pari. Pagkahuman sa misa ang pari natingala sanglit wala naman ang kuwarta nga kuyog sa mga sobre. Iyang gipangutana ang layko ministro nga gihatagan: “Brader asa naman tong kwarta?” Ang layko ministro mitubag: “Napalid man sa hangin Padre, aw ambot lang kay sa ambo ko ra man to gibutang!”
Pamalandong
Usahay diha mismo sa hawanang sagrado anaa ang pagpangilkil. Tinuod lisud ang panahon karon, apan wala kini magpasabot nga mangawat na lang kita diha mismo sulod sa misa dili ba? Ngano man diay kun mosulti ta sa tinuod? Daghan na gayud karon ang mga inosente kuno apan maro.
