EDITORYAL – Dili makatarunganon

Mga Sugbuanon nga kabahin na karon sa Christian Communities sa Zamboanga, Iligan ug Cotabato, kusganong miapil sa protesta batok sa kasabutan  tali sa kagamhanan sa Pilipinas ug sa Moro Islamic Liberation Front (MILF).

Ang maong kasabutan mihatag sa MILF og katungod sa pagpaubos sa ilang gahum sa mga barangay sa tulo ka gihisgutang dakbayan sa Mindanao.

Ang kagamhanan ug mga Kristiyanos nga lumolupyo sa tulo ka nahisgutang dapit dili mosugot nga mahisakop ang ilang lugar sa Bangsamoro Juridical Entity diin  ang MILF maoy mag-hari-hari.

“Unfair kaayo namong mga Kristiyanos nga ipaubos sa gahum sa Muslim ilabi na sa MILF kinsa nailhan na sa ilang pagpanglubag sa tawhanong katungod sa mga Kristiyanos,” suma pa sa usa ka Sugbuanong negosyante sa Zamboanga.

Paminawon unta ang protesta ning mga naapektahan nga mga Kristiyanos sa kasabutan tali sa gobiyerno ug mga Muslim separatist.