EDITORYAL – Suportahan ang Boy Scouting

Aron lang magpadayon ang kalig-on sa Boy Scouts movement dinhi sa nasud, gikataho nga ang kagamhanan mo-subsidize kon motabang sa paggasto sa scouting program sa pipila ka mga eskuwelahang elementarya.

Aniay usa ka programa nga angay’ng tabangan sa pribadong sektor ilabi na niadtong mga dagkong balay patigayon nga wala pa maka-reach out sa ilang komunidad.

Ang Boy Scouting dinhi sa Pilipinas nga gisugdan sa mga Amerikano adtong tuig 1923 nakatabang og dako kaayo sa pagmolde sa atong mga kabataang lalaki ngadto sa maayong lungsoranon.

Ning panahon diin daghan sa atong kabatan-onan ang nahisalaag, kinahanglan nga suportahan ang Boy Scouting aron molambo kini ug aron usab modaghan pa gyud ang makaapil niini.