Ang katigayunan ning kalibutan

Mipahimatngon si Jesus: “Do not store up for yourselves treasures on earth, where moth and decay destroys, and thieves break in and steal.”

Dili ni bag-o alang kanato. Pirme tang makadungog ini (kana kun maminaw ta’s  sermon sa pari, kun dili ta mogawas aron manigarilyo o motawag og motubag sa cellphone). Apan, ato ba ning gituman? Lisud tumanon tungod kay nindot man sad gud kaayo ang mga treasures ning kalibutan.

Sayod kita nga kining maong mga treasures lumalabay lang. Ang mga kalipay nga idalit niini, daklit lang. Kalit lang nga mahanaw. Apan nganong sige man tang store up niining maong mga treasures, nga ang uban gani nato mo-resort man to corruption, aron maka-store up og mas daghang treasures?  Unsaon man ni nilang daghan kaayong treasures no? Ipalit og votes? Itukod og daghang apartment? Ipalit og daghang BMWs?  Ilingaw og daghang babaye? Isuroy-suroy abroad? I-time deposit sa mga bangko? Aron daghan ang moamigo nila? Unya, inighuman niining tanan, unsa man? Ikaw lay tubag ini, Brod.

Ug kining maong mga earthly treasures mahimong makapaulipon sa tawo. Giingon dinhi: “These treasures can amount to adoring money (daghan kaayo ta ini, Dro), power, sex (mas daghan ni), popularity, career,” ug uban pa.

Ug mipahimangno kanato si Jesus nga “putting one’s heart into such earthly treasures leads us to disappointment, despair, sometimes death.”

Mao ni ang nahitabo sa uban, nga tapus makaangkon og daghang earthly treasures, ang tanan misangpot sa tumang disappointment ug desperation, suma sa pasidaan ni Jesus. Nagpasabot nga ang katigayonan, kining mga earthly treasures nga kanunay natong gipaningkamotan, dili diay garantiya nga atong maangkon ang tiunay nga kalipay.  

Mipadayon si Jesus: “Store up treasures in heaven, where neither moth or decay destroys, nor thieves break in and steal. For where your treasure is, there also will your heart be.”

Mangutana ta: Duna  ka na bay natigom nga mga treasures  in heaven, Dro?  Tingalig pulos lang treasures on earth ang imong giseguro.

Yuna pa, hain  man karon ang imong kasingkasing? Kay kun unsa man ang imong mga treasures (tingalig imo ning mga pinaspasan), atua usab ang imong kasingkasing.