EDITORYAL – Bisan ang kabus pabayrog VAT

Hugtanon nga gibarugan sa gobiyerno ang pagpadayon sa pagkolekta sa Expanded Value Added Tax kon EVAT diin gusto nang ipatangtang sa daghang sektor sa katilingban.

Matud sa gobiyerno ang mga datu ray maapektahan sa EVAT ug ang gibayad nga EVAT sa mga datu adto ra sa mga kabus mahipunta.

Morag di man ni tinuod. Kay ang mga kabus baya direkta man nga mobayad sa 12 porsiyento nga EVAT kon VAT bisan sa mga ginagmay nilang paliton sa tindahan o ba kaha mga kan-anan.

Bisan ang tambal duna man gani VAT. Unya pila ka milyon nga masakitong kabus ang mapugos sa pagpas-an niini sa tinguha nga sila mabuhi.

Hatagan unta sa gobiyerno og mas seryosong pagtagad kining mga awhag nga wagtangon na lang ang VAT.