Gikataho nga duha ka giingong mangingilad nga babaye ang nadakpan sa polis sud sa usa ka ATM booth samtang kini misuway sa pagpangilad ngadto sa usa ka tiguwang.
Ang maong pagkasikop sa duha ka mangingilad gihangop sa kadaghanan kinsa nanghinaut nga ipadayon ug dili lugakan sa kapolisan ang ilang kampanya batok sa mga swindler dinhi sa dakbayan.
Kining mga mangingilad nakahatag og mangil-ad nga imahe sa atong siyudad ngadto sa mga dayo kinsa maoy paborito nilang biktimahunon.
Gani, kadtong mga taga laing dapit nga moanhi sa Sugbu makadawat og pasidaan sa ilang mga kaila sa pagbantay sa mga mangingilad dinhi sa atong lugar. Makauuwaw di ba?