Kalapasan sa labor code
Niining bahina sa akong column, tugoti nga akong hatagan og luna kining sentimento sa usa ka magbabasa kinsa mipadayag sa dako niyang kahisagmuyo mahitungod sa sistema sa pamuo o panarbaho sa atong nasud diin daghan ang mga trabahante nga nagdawat og suweldo nga wala makaabot sa minimum.
Ang iyang text nagkanayon: "Pirme ko makabasa dinhi sa imong lindog bahin nianang mga trabahante nga gagmay kaayo og suweldo. Ang uban tag P80 ra ang adlaw ug 12 hours pa ang trabaho. Dako kanang kalapasan sa labor code. Kana ganing mga Taiwanese nga tindahan sa
* * *
Makasimpatiya ko sa sentimento sa atong texter. Unsaon nga hangtod karon, wala pa man gyod makadungog og balita nga ang DOLE nakasilot na'g negosyante nga mihatag og suweldo nga ubos kaayo sa minimum ngadto sa iyang mga trabahante. Mora ba'g wala gyo'y dakong garantiya nga mapanalipdan ang katungod sa mga empleyado nga buot yatakan sa mapahimuslanong mga employer.
Makadugang sab sa kahisagmuyo ang kamatuoran nga anaa gyod sa mga kamot sa mga employer ang tanang kahigayonan sa pagluok sa suweldo sa ilang mga trabahante.
* * *
"Sir, sige man lang gihapon ang sugal nga hantak diri sa Bajac, Liloan,
* * *
Ang sugal nga hantak nalakip sa giilang illegal nga sugal segun sa balaod. Bisan unsa kagamay ang maong sugal, illegal kana sa mata sa balaud busa angay gayod kanang sumpoon. Dili maayong magpatay-malisya lang ang mga awtoridad bahin niana.
Labing maayo nga maaksiyonan na kining reklamo sa atong texter bahin sa hantak diha sa Bajac. Isugyot ko sab sa atong texter nga ipaabot niya ngadto sa mga brgy. opisyal sa Bajac kining iyang gisumbong ngari kanato.
(Sumbong ug reklamo? Text sa 0910-8105522).
- Latest
- Trending
