Pag-iisyu ng pekeng Electronic Ticket, ito ang modus operandi ng ECONOMY TOURS & TRAVEL AGENCY sa Malate Manila.
Isa sa kanilang mga biktima ang naglakas-loob na lumapit sa Bitag upang isumbong ang panlolokong ginagawa ng travel agency na ito.
Ang Economy Tours and Travel Inc. ay pag-aari ng mag-asawang Rene at Florida Lagunton. Kasalukuyang nagtatago na ang mga hinayupak na may-ari na ito dahil hinahanting na sila ng kanilang mga biktima.
Ang estilo ng modus, matapos kunin ang bayad ng mga pasaherong bumibili ng mga Airline Tickets, mag-iisyu ang travel agency na ito ng Pekeng electronic ticket.
Peke dahil sa kanilang print out itinerary, my flight number at flight information, subalit walang electronic ticket number. Ang electronic ticket number ang siyang magpapatunay na balido at lehitimo ang isang electronic ticket.
Dahil peke ang kanilang inisyu sa kanilang mga pasahero o kostumer, hinarang sila ng mga tauhan ng airline sa airport. Ang masahol pa dito, hindi na nga nakaalis ang mga pobreng kostumer, hindi pa nila mairefund ngayon ang kanilang perang ibinayad sa ahensya.
Ang dahilan, ibinabayad din nila sa mga nauna nilang naging biktima. Panoorin ngayon Sabado ang pagkakahulog sa bitag ng Economy Tours & Travel Agency!
Manood ng matuto at ng makaiwas sa mgas bogus na travel agency.