EDITORYAL - Nabalaka si Mar Roxas

Aduna bay krisis sa bugas humay sa atong nasud? Ang kagamhanan mipasalig nga walay krisis, nga dunay supisyente nga suplay sa humay.

Apan si Sen. Mar Roxas nagtuo gayud nga dunay krisis ug usa sa mga pruweba niini mao ang pagsaka sa presyo sa bugas humay diin miabot na kini sa P26 matag kilo gikan sa P22 lamang kada kilo.

Sayod si Roxas niini kay nahimo na niya batasan ang pagsuroy sa mga palengke kun kamerkadohan  diin siya misusi sa dagan sa presyo sa mga prime commodity.

Gikabalaka ni Roxas ang pagsaka sa presyo sa humay ug tungod niini iyang gihagit ang Pangulong nasud sa pagsulti sa tinuod aron kapangitaan og hustong solusyon ang problema.

Ang administrasyon mibarog nga walay “rice shortage” apan, matud ni Roxas, nganong nisaka man ang presyo?