Ang kadagkuan sa kapolisan dinhi sa siyudad misaad nga ilang puhagon ang mga street gang nga nagsamok-samok sa atong komunidad. Maayong balita.
Apan dili ba dugay nang mipasalig ang kapolisan nga ilang paphaon ang maong mga pundok sa mga kriminal?
Manghinaut kita nga ning higayona matuman na ug mahitabo na gyud ang pagpapha ning maong mga sagbot sa katilingban.
Kami wala pa wad-i og pagsalig sa atong mga polis nga kini adunay kusog sa pagpuhag sa mga badlongong elemento sa atong komunidad.
Usa ka pruweba niini mao ang ilang pagsulbad sa Ruby Jade Ruba rob-slay case pinaagi sa pagsikop sa tulo ka mga suspek lakip na ang gunman mismo.