Upgrade yourself!

Mao ni ang cover story sa January 2008 nga isyu sa Reader’s Digest. Sa ato pa, kun sa balay pa, i-renovate ang atong kaugalingon, ipalig-on, ipaabtik; sa computer pa magpa-install og latest nga mga software ug sa makina pa, pagpa-overhaul, pagpa-tune up. Mao na ang upgrading.

Giingon dinhi, New Ways to live longer, boost your memory, sleep well, and make more money. Ngiga no? Ma-upgraded ka na, makasapi pa gyud!

Samtang particular kaayo kita pagpa-upgrade sa mga butang, sama sa pagpaayo sa balay, pagpakusog sa dagan sa karaan natong kotse, pag-ilis og cellphone ug sa mas modernong digital camera, atong taligam-an ang atong lawas nga mas nagkinahanglan og repair ug maintenance, refurbishing, ug tune-up.

New ways to live longer: Giingon dinhi nga ang life expectancy sa kalibutan, 67 years. Apan, matud pa, muabot pa tag 90 o kapin sa 100 kun magmatngon lang kita sa panglawas.

Nia: Eat a lot less! Sa ato pa, ayaw pagkaon og daghan. Minusi ang imong intake sa pagkaon. Slimming down kono, makatabang pag-santa sa disease. Ug ang pag-restrict sa calorie makapahinay sa aging process. Kita ra bang mga Pinoy pagkahingaon gyud kaayo. Mag-inilogay, magsinikhanay gud ta inig-announce sa waiter nga “Food is ready/”

Make friends, get married, adopt a dog. Kataw-anan no? Buot ipasabot dinhi nga kinahanglan duna kay varied nga mga lingaw. Maka-paus-os kini sa imong stress ug mga tension, mga kahingawa ug kabalaka.

Get moving! Ayaw pagmika. Lihok. Samot kag kaluya kun pirme kang mag-urong. Lakaw. Ayaw paghuwat nga maglisud na kag lakang, mao pay imong ipaningkamot pag-exercise. Ang Abellana Sports Center naghuwat nimo. P5 ra ang bayranan sa senior citizen. Daghan pang mga legs ang imong makita. Free na lang unta no?

Reach for red. Inom og red wine. Ayaw lang pog hubog-hubog. Kun mahalan ka, bahalina, lami pas red wine. This is good for the heart kono. Ang resveratrol, usa ka ingredient sa red wine, duna konoy powerful anti-aging effects sa atong lawas.

Bantug ra, mora lang 50 years old pa si Kuya Boy Odilao. Kini tungod sa red wine. Ingonman mga kauban nako sa Afrena 7. Lagmit duna ni silay pundo sa red wine.

Hinuon, lahi ang kang General Ben Diamos. Gawas sa red wine duna pa gyud siyay Sr. Aide-de-Camp. Mao nga imong tan-awon si Kuya Ben, wa pa ma-senior citizen. Ako pay MCIAA, himuon nakong mga consultant sila si Capt. Boy Oppus ug Gen. Diamos.