Mangisyu og ticket

Gikan sa cellphone number  0915-5942497: “Good AM, Sir. ngano man ning mga tanod sa Ibo, Lapulapu City nga mangisyu man og ticket sa mga sakyanan sa MEPZA. Kada larga namo P5 ang pangayoon, lain pa ang sa dispatser. Wala gyud sila maluoy namong mga driver og multicab. Maayo unta ipadakop ni silang dispatser sa MEPZA 1.” -- (Sent: 10:06:37am-- December 18, 2007)

Angay ninyong tinuon kun kinsay nagsugo sa maong mga tanod sa pagpangisyo og tiket ninyo ug pagpangolektag P5. Kun kini gibase sa usa ka ordinansa, angay mong motuman niini. Pero kun ang koleksiyon sa mga tanod nahulog lang sa kaugalingon nilang mga bolsa, angay mong moreklamo niini ngadto sa barangay.

Kun legal ang pagpangolektag P5, labing maayo sab nga mopakitag maayong serbisyo ang mga barangay tanod nga nangolektag kuwarta ninyo. Mas maayo nga mabadlong nila kanang mga dispatser nga nagsige’g samok-samok ninyo.

* * *

“Sir, good PM. Palihog kog hatag og pagtagad sa akong reklamo. Hinaot unta nga masulbad na ang lunop ubos sa Tabunok Church sa Talisay City kay lisod kaayo ang among pag-agi kun mag-uwan.”--0921-2869829 (Sent: 12:24:41pm-- Dec. 18, 2007

Manghinaot tang matagad dayon sa mga hingtungdan kining maong problema. Lehitimo kining maong reklamo busa mas maayong aksiyonan dayon kini.

* * *

“Good PM, Sir. Bahin sa extension seats, dili lang ang nagbiyahe sa Opon o Mactan nga mga PUJ ang duna niana. Apil na seguro kanang nagbiyahe sa Danao ug Liloan naay extension. Napuno pa gyud sa mga pasahero nga nagkapyot. Asa na diay ang mga awtoridad? Mga enforcer magtan-aw man lang, dili kadakop.” --- 0917-6204902 (Sent: 04:52:37pm-- December 17, 2007)

Kun seryosohon lang gyud sa proper authorities ang paggukod niining malapason nga mga driver, dili man unta kini lisod sumpoon. Ang nakaparat kay kulang sa arisgar ang mga awtoridad. Mao nay hinungdan nga midagsang ang mga abusado. Unsaon, lugak-lugak man ang mga tigpatuman sa balaod.

* * *

 (Sumbong ug reklamo? Text sa 0910-8105522).