Si Mayor Tomas Osmeña gikataho nga nag-ingon nga tungod kay ang duha nato ka representante sa Ubos Balay Balauranan milaban kang kanhi Speaker Jose De Venecia Jr. atol sa piniliay sa bag-ong Speaker, momenus ang grasya kun kaayuhan nga madawat sa dakbayan sa Sugbu gikan sa Kongreso.
Daghang mga tigpaniid ang wala ug dili motuo niining panglantaw ni Tom O.
Kami usab misabak sa maong pagtuo -- diin magpadayon ang kaayuhan nga madawat sa dakbayan gikan sa Kongreso ubos sa bag-ong Speaker.
Politiko gud ang bag-ong Speaker ug ang mga tawo nga nagpalibot kaniya. Sila sayud nga ang gidaghanon sa mga botante sa dakbayan sa Sugbu makapadaug ug makapapilde sa usa ka kandidato nga magpapili alang sa usa ka national position.
Busa walay politiko nga gustong modagan alang sa usa ka national office ang makaako sa pagsalikway sa Sugbu.