Dili moplite

Gikan sa cellphone number  0929-4220374: “Good AM, Sir. Naa lang unta koy ireklamo bahin nianang tawo nga magpaila nga LTFRB official kuno siya. Isog kaayo. Di pa gyud moplite. Manghulga pa sa driver. Mosakay na siya sa may SSS Lapulapu dapit unya magpahatod sa White Gold. Maayo unta ma-entrap ni sa NBI. Thanks sa Banat News.” -- (Sent: 08:13:31am-- January 9, 2008)

Angay gyud ni siyang ipa-entrap. Malagmit dili siya tinuod nga LTFRB official ug migamit lang sa maong ngalan aron dili siya makaplite. O kun tinuod man siyang opisyal sa LTFRB, giabusahan niya ang iyang posisyon. Tiaw bag “thank you” ray iyang iplite sukad sa Lapulapu hangtod White Gold. Isumbong kana ninyo sa proper authorities, uy, aron dili magdasa kanang tawhana.

* * *

“Good day, Sir. Diri sa brgy. Tutay, Pinamungajan daghan kaayong namaligya og shabu. Grabeha gyud, uy. Naa pay mga adik diri nga magsige lang pangawat.” -- 0929-5857508 (Sent: 01:19:33pm-- January 9, 2008)

* * *

“Good PM, Sir. Usa ako ka magbabasa sa imong column nga Modus. Bahin nianang shabu sa Tutay, Pinamungajan, kanus-a pa kaha na masulbad. Naay mga polis wala magtagad.” -- 0928-7548546 (Sent: 07:48:06pm-- January 10, 2008)

Lisod gyud sulbaron ang maong suliran kun dili molihok ang mga barangay opisyal ug ubang proper authorities. Daghan na ang mipadangat og reklamo diri kanako pinaagi sa text pero hangtod karon ingon sa wala pa gyud maaksyoni ang problema.

Duna say laing texter nga naggamit sa cellphone number 0906-4171079 nga nag-ingon nga peaceful ug in order kuno ang Tutay, Pinamungajan. Miingon pa ang maong texter nga kadtong mga nag-text nako kalabot sa rampant nga drugas sa Tutay mga bakakon kuno. Unsa man gyuy tinuod niini?

Peaceful ug in order ba gyud ang Tutay? O tinuod ang taho sa mas daghang texter nga grabe gyud ang payuhot og drugas diha sa Tutay? Maayo unta kun makahatag natog katin-awan kalabot niini ang mga barangay official sa Tutay. Bukas kining lindog alang sa ilang reaksiyon.

* * *

 (Sumbong ug reklamo? Text sa 0910-8105522).