Dakong pagkasagmuyo ni Bise Mayor Michael Rama dihang iyang gi-inspeksyon ang mga estasyonan sa polis sa siyudad ug iyang nakita ang pagkahugaw niini.
Matud pa sa bise mayor:
“Police stations in the city look life landfills, mausoleums, and stockrooms while policemen became drunken masters.”
Simply rang pagkasulti. Di na kinahanglan pang hubaron sa Binisaya.
Makauuwaw, matud pa ni Mike Rama, ang situwasyon sa mga estasyonan sa kapolisan nga iyang gibisitahan adtong Dis. 31.
Kay bise mayor man siya ug tsirman pa gyud sa Police Coordinating Advisory Council, si Rama adunay katungod sa paghimog kausaban sa makauuwaw nga kondisyon sa mga polis station sa siyudad.
Dili na siya kinahanglan magsalig pa sa mga kadagkuan sa city police kinsa napakyas na sa paghatag og maayong imahe sa kapolisan base sa naobserbahan sa bise mayor.