Ang naandan na lang

Usa ka batan-ong relihiyoso nga puno sa ideyalismo ang mikonsulta sa iyang isigka-relihiyoso nga lisud diay kuno nga magpunay na lang og uyon-uyon sa mga labaw niya sa monasteryo. Adunay mga plano nga buot niyang himuon apan lisud buhaton kay kun dili tugotan sa labaw ang tanang gihunahuna mahanaw. Ang iyang higala miingon: “Buhata na lang ang mga naandan aron sa problema dili ka hugpaan, paabot na lang sa imong higayon!” Ang batan-ong relihiyoso mitubag: “Inig-abot nianang higayona tapolan na pud kong mohunahuna.”

Pamahayag

Tukma baya ang magpaabot sa hustong higayon apan ang pangutana mao: “Hangtud asa ug kanus-a man kini kutob? Kay ang pagpunay og pugong maoy maghimo sa ideyalismo nga mamatay na lamang sa natural nga kamatayon.