EDITORYAL – Lain na sang pasidaan

Ang Land Transportation Office (LTO) mipasidaan ngadtos mga drayber sa bus nga dakong silot ang ipahamtang kanila kun mo-overcharge o mopamahal sila sa pletihan atol sa kasaulogan sa adlaw sa mga minatay unya sa Nobiyembre uno ug dos.

Matag selebrasyon gud sa kalag-kalag kada tuig naandan na sa daghang mga bus drayber ang pagpaumento sa pletihan kay kusog man ang sakay gikan sa siyudad ngadto sa nagkadaiyang lungsod.

Ug matag selebrasion usab sa maong kapistahan sa mga minatay mopagawas ang kagamhanan og pasidaan nga silotan kadtong mopasaka sa pletihan.

Apan bisan pa sa pa balikbalik nga pahimangno nagpadayon gihapon ang pagsalikway sa mga drayber sa maong pahimangno.

Daghan ang mangreklamo apan way bisan usa sa mga nakasaa nga drayber ug konduktor ang nasilotan.

Tinud-on kaha sa LTO ning tuiga ang ilang pasidaan nga silotan og dako ang molapas sa lagda sa gipakanaug?