Daghan nang mga panghitabo kriminal diin nalambigit ang kapolisan apan ang nakahatag og labing mangil-ad nga imahe sa atong mga tinugyanan sa balaod mao kadtong giingong extortion o pagpangilkil sud gyud mismo sa buhatan sa Vice Control Section di pa lang dugay.
Sa nahibaw-an na sa kadaghanan tulo ka polis ang nalambigit sa maong hitabo diin ang mga ahente sa National Bureau of Investigation kun NBI ang mi-entrap sa mga suspek.
Hinuon naiban-ibanan ang kahugaw nga naangkon sa Cebu City Police Office dihang gipatak-opan ang buhaton diin nahitabo ang nasanta nga pagpangilkil. Ug dihang mimando ang National Police Commission (Napolcom) nga ipa-dismiss ang mga polis nga nalambigit sa gi-alegar nga extortion.
Manghinaut kita nga tinud-on sa kadagkuan sa kapolisan ang pag-imbestigar ning maong kaso nga nakabuling-buling sa pangan sa ilang pwersa. Ug sa pagpahamtang og silot niadtong nakasa.