Nagmahay kaha si Ninoy?
Sumad karon sa kamatayon ni Ninoy kinsa miula sa iyang dugo alang sa kagawasan sa katawhang Pilipinhon nga nagapos sa madaugdaugon nga rehiming Marcos. Ika 24 na karon ka tuig human gisungasong ni Ninoy ang ka peligro sa iyang kinabuhi nga miresulta sa iyang kamatayon. Apan kumusta na kaha siya karon didto sa laing kalibutan? Nagmalipayon kaha siya o nagmagul-anon sa iyang nakita sa nasud nga iyang gipakamatyan? Wa kaha siya magbasol? Mao ni ang mga pangutana nga di na gyod ta masayod sa tubag kay ang makatubag niini 24 ka tuig namang patay. Gawas lang seguro kun siya mobalik dinhi sa kalibutan aron pangtulisukon ang mga nagpadagan sa nasud nga wa magmatinud-anon sa ilang pag-alagad sa katawhang nagbutang kanila sa katungdanan.
* * *
Kaniadtong miaging semana 17 ka mga mahalong sakyanan ang gipangpiyapi. Daghan sa mga nagtan-aw ang nasayangan sa mga mahalong sakyanan nga nahimong lata human kini pangpislata. Ang pagpislat sa mga mahalong sakyanan gituyo sa atong gobiyerno aron ipakita ang kaseryoso niini sa iyang kampanya batok sa mga smuggler. Gibaliwala sa gobiyerno ang 30 ngadto sa 40 milyones ka pesos nga halinon unta sa maong mga mahalong sakyanan kun gibaligya pa kini. Girason niini nga kun ilang ibaligya ang mga sakyanan posible nga mapunta ra gihapon kini ngadto sa mga smuggler nga moapil sa bidding aron maadto ra gihapon kanila ang mga sakyanan nga ila nang gisuwayan sa pagpalusot. Mas maayo na lang unta to kay sa masayang ang pila ka milyon nga dako na unta og ikatabang sa atong gobiyerno nga nanginahanglan og salapi.
Wa na kinahanglana ang pagpiyapi sa mga mahalong sakyanan aron ipakita sa atong gobiyerno ang kaseryoso niini sa iyang kampanya batok sa mga smugglers. Ang gikinahanglan lamang niini mao ang seryoso nga paglimpiyo sa mga ahensiya niini nga kanunay nga nakigkombuya sa mga smugglers. Kun mawagtang lamang kanang mga bag-angang buaya nga nagloko ug nagpabugnaw diha sa bureau of customs ug sa opisina sa atong mga port police, kun wa pa lamang unta kitay mga opisyal sa taas nga buhatan sa atong gobiyerno nga manghilabot sa mga tarong usab nga opisyal sa customs ug port police, wa untay mga smugglers nga makapatuyang sa pagpalusot sa ilang mga baligya nga way bayad-bayad og buhis. Mao nga kun aduna may piyapion dili kadtong mga mahalong sakyanan kun dili ang mga opisyal sa Bureau of Customs ug port police nga nagpaburot sa ilang kaugalingon, kana kun tinuoray man nga seryoso ang atong gobiyerno sa pagsumpo sa smuggling operation dinhi sa nasud.
* * *
Giabsuwelto ni judge Rafael Yrasturza ang giingong drug lord nga si Roberto Obet Hegremosa tungod kay way laing testigo nga gipresentar ang prosecution nga mopalig-on unta sa testimonya ni PO1 Leyson nga miingon nga nakuha nila ang mga ginadiling drugas ug mga kahimanan sa paggamit niini. Kini bisan pa man kun may kauban kini siya nga duha ka tanod nga maoy nagsilbing saksi sa gipahigayon nilang search operation sa panimalay nga giabangan ni Hegremosa. Si Hegremosa miangkon kaniadto nga siya ug mga kaubanan mahalinan og 50 ka kilong shabu matag semana sa tibuok isla sa Sugbu. Siya ang subject kaniadto sa operation sa mga sakop sa National Bureau of Investigation nga miresulta sa pagrapido sa van nga gisakyan sa mga empleyado sa Plantation bay nga gikan mitambong sa ilang christmas party. Dili siya ordinaryo nga tigpayuhotan og ginadiling drugas kana kun atong tuohan ang atong kapulisan. Pero karon
- Latest
- Trending
