EDITORYAL - Ibalik ang ROTC?

Adunay balaodnon nga gisang-at sa Ubos Balay Balauranan diin gisugyot nga ibalik sa mga tertiary nga eskuwelahan ang Reserved Officers Training Corps kun ROTC.

Daghan ang mipabor sa maong proposal tungod kay ang ROTC makadisiplina sa atong mga batan-on lalaki ug makatudlo kanila sa maayong mga butang nga angay’ng sagupon sa usa ka “tunay” nga lalaki.

Hinuon naay pipila ka mga tawo, uban ani kanila mga gradwado sa ROTC, nga nanghinaut nga kun ibalik man gayud ang ROTC ayuhon pa-screen kadtong buot mamahimong cadet officers.

Kaniadto gud sa diha pa ang ROTC naobserbahan nga adunay mga cadet officer nga abusado ug corrupt. Maoy hinungdan nga daghang kadete ang ni-drop out tungod kay dili makatun sa binuang sa maong mga cadet officer

Uyon usab kami nga ibalik ang ROTC apan sama sa kadaghanan manghinaut kami nga dili hatagan og kahigayunan nga mamahimong cadet officers kadtong dunay timailhan nga moabuso sa ilang katungdanan.