Gisud-ong sa usa ka batan-on ang iyang mga kahigalaan nga nagpunsisok daw mga sulom sa nag-abog-abog nga baylehan duyog sa todotodong bulhot sa tokar nga: Gikumot-kumot sa dakong kamot dayong palong sa sugang dagitabnon inubanan sa mga siyagit ug til-is sa mga tingog nga maguwang lang og gamay sa mga anay nga gimatada.
Pamalandong
Daghan ang mahimo sa usa ka kamot. Mahimong gamiton kini sa pag-umol o paghulma. Mahimo usab nga gamiton kini sa pagdagmal, pagdaot ug paggun-ob. Sagrado ang kamot apan anaa usab niini ang posibilidad nga mohimo og mga kadaot nga bunga sa hulhog ug linoog nga tinguha sa malademonyong mga tinguha.
* * *
E-mail: paiskaris@yahoo.com