Usa ka inahan ang nakabalita nga namatay sa panagsangka ang iyang anak nga sundalo. Nag-ampo siya nga makit-an lang gyud unta niya ang iyang anak bisan sa daklit lang. Gidungog ang iyang pag-ampo og usa ka anghel ang mitungha og nangutana kaniya: "Unsang yugtoa sa kinabuhi buot mong makit-an ang imong anak?" Ang inahan mitubag: "Sa yugto diin sa among hardin ang among panagtagbo puno kaayo sa bulok og kahulogan. Kay didto sa hardin siya nangayo kanako og pasaylo tungod sa iyang pagminaldito kaniadto!"
Pamalandong
Pagkaanindot sa kinabuhi labina kon kini kinahanglanon kaayo sa uban. Pagkatam-is paminawon sa mga pulong sama sa: GIKINAHANGLAN KO IKAW! Ning kalibutan bililhon ang kinabuhi sa matag usa.