Pasayloa ko migo

Dunay duha ka mga manag-amigo ang wala lang tuyoa nga nagkabingkil ug nagkaaway. Sulod sa mga duha ka katuigan, sila nagbungol ug nag-away sa hilabihan. Hangtud nga miabot ang higayon nga sa wala lang tuyoa silang duha nagkasugat sa may dalan. Usa kanila ang mapahiyumong nagkanayon ngadto sa usa: Pasayloa lang ko Migo sa mga sala nga akong nahimo!" Sukad niadto wala na mogitib pa ang ilang panagdumot sa usag-usa kanila.

Pamalandong

Ang yano apan matinud-anong pagpangayo og pasaylo ang dako kaayo og mahimo alang sa mga tawong nagkabingkil ug nagkaaway. Nga sa ato pa, bililhon gyud ang komunikasyon.