EDITORYAL - Kadungganan sa nasud

Samtang nag-inatakihay -- nagpinusilay pa gani -- ang mga politiko dinhi sa ato, duha ka Bisdak nga mga boksidor ang naninguha nga kahatagan og dugang kadungganan ang nasud didto sa Amerika.

Ug milampos sila si Rey "Boom Boom" Bautista ug AJ "Bazooka" Banal.

Impresibo ang kadaugan nila ni Bautista ug Banal ug sa makausa pa nakahigayon nasab ang mga Pinoy sa pagpakayab sa atong bandera sud sa stadium diin nakita kini sa katawhan sa nagkadaiyang kanasuran pinaagi sa telebisyon.

Angay''ng hatagan og dakung pasidungog kining duha ka Bisaya -- pulos mga Bol-anon-- tungod sa ilang kadaugan nga mihatag og laing kadungganan sa nasud nga Pilipinhon.