EDITORYAL — Usa ka pagpamukaw kanato

Ang nahitabong masaker sa mga estudyante didto sa Virginia, USA, diin 32 ang nangamatay (33 apil ang Koreanong suspek human kini mihikog), mahimong isipon nga wake up call alang sa mga eskuwelahan dinhi sa ato.

Kinahanglan gyud nga hugtan ang security sa mga tulonghaan bisan pa kun dunay mga tawo nga moreklamo batok sa maong security measure kun higpit nga seguridad nga gipatuman sa administrador sa eskuwelahan.

Usa ra baya ka tawo ang mihimo sa dugoong krimen. Kompiyansa ra tingali ang mga guwardya (kun duna man ganiy guwardya sama sa atong mga sikyu) kun security officers.

Samtang wala pay nahitabo nga susamang trahedya sa atong mga tulonghaan (simbako lang) kinahanglan nga hugtan ug dili gyud lugakan ang seguridad sa atong mga estudyante.