Salamat sa pagsulat mo Marlon.
Ang anaphylaxis ay ang tinatawag na allergic reaction. Kung magkakaron ng ganitong kalagayan ang bawat isa dapat na agad kumunsulta sa doctor. Ganitong pangyayari ay hindi dapat ipagwalambahala.
Kapag nagkaroon ng anaphylaxis, mahihirapan sa paghinga, bababa ang blood pressure, ang bibig at lalamunan ay mamamaga at maaaring mawalan ng malay. Maaaring ikamatay ang anaphylaxis.
Ang anaphylaxis ay mararanasan sa loob ng 15 minuto makaraang magkaroon ng contact sa allergen. Ang sintomas ay maaaring mawala sa loob ng ilang oras. Kapag naaagapan ang anaphylaxis, malaki ang pagkakataong maka-survive. Ang sinumang may sintomas ng anaphylaxis ay kinakailangang dalhin kaagad sa ospital. Hindi dapat ipagwalambahÿala ang sintomas ng anaphylaxis. At kahit na nawala na ang mga sintomas ng anaphylaxis nararapat pa ring manatili sa ospital ang pasyente.
Ginagamot ang anaphylaxis sa pamamagitan ng pag-iineksiyon ng epinephrine. Kaya ipinapayo sa sinuÿmang nakararanas ng severe allergic reaction, nararapat na magdala ng emergency dose ng epinephrine sa lahat ng oras.