Si Gringo ay napakatalino. Mapapalihis ka sa kanyang charisma at kasikatan. Subalit kung tuonan ng atensyon ang kanyang mga sinasabi -– mabibigla ka sa lalim ng kanyang mga argumento. Malinaw na hindi lang sa ordinaryong talino nagmula. Nandun ang tanda ng mga katwirang hinubog sa pagkadalubhasa. At bakit hindi? Class Baron at nakatanggap ng leadership award sa Class of 71 sa Philippine Military Academy, siya’y may Master’s degree sa Business mula sa Asian Institute of Management. Ang bayani ng EDSA ang siyang may akda sa isa sa pinakakumplikado subalit kumpletong batas, ang CLEAN AIR ACT.
Si Gringo ay mabait na tao. Lahat ng alamat na naisulat tungkol sa kanya bilang mandirigma (siya’y naging Commandant pa ng special operations school ng Philippine Army) ay wala sa kalahati ng kanyang rekord bilang ama. Higit sa pamilya ng ordinaryong sundalo ang tiniis ng kanyang mag-anak dahil sa naging takbo ng kanyang buhay. Subalit sa kabila nito ay makikita sa anyo ng kanyang mga anak ang sukat ng kaaya-ayang pagpapalaki. Napanood natin sa TV nang sinabing sila na lamang ang makikiusap sa bayan para sa ama. Ang lahat ng Honasan ay marespeto, mapagkumbaba at may pananalig sa Diyos. Sa kabila ng katakut takot na medal ya’t pagkilalang ginawad, sila na ang pinakamalaking karangalan ni Gringo at ng kanyang hinahangaang kabiyak na si Jane ng Nueva Ecija.
Biktima ng dagdag bawas noong 2001, nilaglag siya ng mga ninuno ni Garci sa Minda-nao na nagresulta sa pagnakaw sa kanya ng tatlong taong serbisyo na nabigay kay Recto. Sa kasaysayan ng Pilipinas, si Gringo Honasan pa lamang at wala nang iba ang nanalong Senador na Independiente. As in: walang makinarya, walang watcher, walang party contribution o party propaganda, walang kakamping opisyal, walang sample ballot. Ngayo’y independiente siyang muli. Maulit kaya ang Gringo magic ngayong 2007?
GRINGO HONASAN:
Kwalipikasyon: 90
Plataporma: 90
Rekord: 90
Total: 90