Nagbinugtong pakpak

Usa ka adlaw niana, ang duruha ka buok kamot sa usa ka tawo ang nagkukabildo. Ang usa nakadayeg sa tag-iya nilang duha. Samtang ang usa nagdumili sa paghatag sa iyang yukbo tungod sa kangil-ad og sa kaplastik sa ilang amo. Buot sa nakadayeg nga himuon ang usa ka publisidad nga pagdayeg sa tag-iya sa maong kamot. Apan kusganon nga nidumili ang usa. Ang nahitabo bugtong usa ka kamot lang ang nihimo og usa ka maulog-ulogong pakpak. Butang nga gikahinangop pag-ayo sa nagkinahanglan niini.

Pamalandong

Dili tanang pakpak nagasukad sa matahurong pagdayeg. Ang kadaghanan nagagikan sa usa lamang ka ulo-ulo labina kanila nga nagpasiatab kalabot sa mga nakab-ot nilang kalampusan bisan pa man kun kini gihimo nila sa linipot nga paagi.