EDITORYAL - Pista Senyor di gyud hilabtan

Ang Sinulog Festival 2007 diin sugdan kini og nobenaryo sa Enero 11 magkadungan sa bag-ong iskedyul sa ASEAN Summit nga gitakdang ipahigayon sa Enero 11-14.

Mipasalig ang mga organizer sa Summit nga dili kahilabtan ang Sinulog ug ang duha ka kalihukan dili makabalda sa usag-usa.

Ikalipay sa mga manambong sa Summit nga magkadungan ang Sinulog ug Summit tungod kay kahigayonan nila kini nga makasaksi sa labing dakung festival sa tibuok Kabisay-an.

Mas maayo unta kon ang mga opisyal sa Summit organizing committee ug ang kadagkuan usab sa Sinulog Foundation magkatigom aron ilang hisgut-hisgutan ang maayong buhaton aron ang ilang mga kalihukan dili makabalda sa usag usa.

Kinahanglan dili gyud tandugon ang mga naandan nang aktibidades sa Sinulog ug Pista Senyor kay basin simbako mas grabe pang Seniang ang moigo kanato.