Wa'a kunoy brownout inig-Summit!

Nindot kaayo kon maoy mahitabo. Kinahanglan nga di mag-brownout days before, during, and days after the summit. Usa ka dakung embarrassment kanatong mga Sugbuanon kon mawad-an tag kuryinte ining mga panahona.

Ato ning iapil sa atong mga pag-ampo, kay aduna kiniy dakung kalabutan sa success o failure sa maong historical nga katiguman.

Tapus sa dugaydugay nga brownout niadtong paglinog sa Leyte, ug karong bag-o pagka-igo sa lightning sa transmission line sa Napocor, mipasalig ang VECO nga "no such incident would happen during the ASEAN SUMMIT."

Gidungagan kini sa pasalig nga "Measure are in place to prevent blackout from happening during the Summit."

Sa ako nang giingon, ato ning iampo nga mao kini ang mahitabo. Nga wa'a gyuy brownout.

Nahingawa lang ko kon unsay buot nilang ipasabot pag-ingon nga ilang i-prevent nga mahitabo kadto pag-usab. Ilang pugngan ang linog? Ilang did-an ang lightning aron di mag-brownout?

Nahinumdom ko sa gubat sa Lebanon nga dunay niingon nga dili iapil sa pinusilay, dili ig-on ang mga Pinoy didto kay wa'a silay labot sa gubat.

Mao sad ni atong buhaton dinhi sa Sugbo, aron kalikayan ang blackout panahon sa Summit, kinahanglan wa'ay linog, wa'ay lightning.

Hinuon, kon hugot ang atong mga pag-ampo, paminawon man sad ta sa Ginoo. Busa, hugtan natog maayo ang atong mga pag-ampo. Tapus sa matag-Misa, isukip man gyud ang mga pag-ampo alang sa Summit, ato ning tinud-on. Matud pa, idibdib natin ang maong pag-ampo.

Anyway, nagkita mi si Konsehal Bro. Pax Pacaña sa Grand Ultreya ug Anibersaryo sa Women's Cursillo, ug lipay kaayo ko sa iyang giingon nga kuno, nigahin silag 5 milyones ka pesos gikan sa Sinulog Foundation, aron ipatahom ug i-renovate sa City Library ug Museum. Gani nagsugod na ang trabaho.

Nalipay ko tungod kay, bisag wa'a koy labot, ang Library ug Museum mao kini ang duha ka importante kaayong mga dapit alang sa mga langyaw. Seguro ko nga karong Summit, majority sa mga dumoduong mangita gyug library ug museum, kay mao kini ang mohulagway kon unsa ang Sugbo ug ang mga Sugbuanon. I thought ila lang ning pasagdan. Thank you for the information, Brod Pax.