Gidapit ug giabi-abi pag-ayo ni Abraham ang usa ka tiguwang sa iyang tolda aron mokaon ug mag-ampo. Sa dihang nahibaw-an ni Abraham nga ang maong tawo usa diay ka magsisimba sa kalayo ug dili kang Yahweh, iya gilayon kining giabog pagawas sa iyang tolda. Sa damgo ni Abraham, gisukmatan siya ni Yahweh nga nagkanayon: "Muna nakong huwat kaniya nga moduol kanako sulod sa kapitoan ka tuig, apan ikaw dili na lang ba gyud makapailob?"
Pamalandong
Taliwala sa kadautan ug kamasalaypon sa tawo, ang Dios sa kanunay mapailobon kaayo nga naghuwat kanato. Apan ang tawo, sa way igong pangutana, andam nga mohunos sa kinabuhi sa isigkatawo sa rason nga ang maong buhat kuno bayanihon. Mas istrikto pa ta kay sa Ginoo.