Kining pagpahimangno gihimo kun gisubli tungod kay namatikdan nga daghan sa mga drayber ang naglago sa ilang pamiste nga makahatag og mangil-ad nga impresyon ngadtos atong siyudad labi na sa mata sa mga langyaw ug mga Pinoy nga gikan sa gawas sa Sugbo.
Naay mga PUJ drayber nga nagkamisen lang pinaresan og karsones nga gision sa may tuhod. Naa say mga drayber sa taxi nga nagsul-ob og t-shirt diin ang mga sleeve kun bukton gipanglangkat aron mahimong sleeveless.
Adunay mga oniporme nga gi-prescribe alang sa PUJ taxi ug bus drayber. "Lisud tumanon kay kadaghanan sa drayber walay ikapalit sa maong oniporme," suma pa sa usa ka PUJ operator.
Busa di ba maayo nga tugotan lang ang maong mga drayber sa pagsul-ob og bisan unsang sapot basta lang nga kini limpyo ug wala manimaho. Sabton ta ang kahimtang sa mga drayber -- ang ila bang economic situation.