EDITORYAL — Ang pasaliog sa architect sa CICC

Hugtanon ug kusganon kaayo ang pasalig ni Architect Manuel Guanzon nga mahuman gayud ang Cebu International Convention Center (CICC) sa wa pa ang 12th ASEAN Summit nga gitakdang himuon dinhi karong Disyembre.

Abi ba kuno niya nga unya pa sa Nobiyembre 30 mahuman ang CCICC. Apan mahuman diay kuno kini niya sa Oktobre 15. Very much ahead of time.

Tungod niining hugtanong pasalig ni architect Guanzon, mahimo nang makapahuway sa ilang kabalaka ang pipila sa atong mga kaigsuonan nga wala magtuo nga mahuman gayud ang CICC alang sa ASEAN Summit.

Kay ngano?

Si Architect Guanzon adunay pangan ug dungog nga protektahan. Kun mapakyas siya sa iyang pasalig, wala na unya siyay nawong nga ikapakita sa katilingbang Sugbuanon. Iyang pangan ang nakatay diha sa iyang pasalig.

Ang among baruganan niining maong isyu mao nga hatagan nato si Architect Maning Guanzon og "benefit of the doubt."