Pinamagatang "A Celebration of Service", ito’y isang fund-raising event para sa pagpapa-renovate ng PGH operating room na itinataguyod ng PGH Medical Foundation sa pamumuno ni Dr. Greg Alvior Jr.
Ayon kay Ms. Lolita Escobar-Mispuri, ang corporate secretary ng foundation, ilan sa mga naanyayahang magtanghal ay sina Dulce, Pinky Marquez, Jasmine Desiderio, concert pianist Rudolf Galez at ang UP Med Choir, magsisimula ang programa ng 6:30 p.m.
Sinabi ni Ms. Mispuri na malaki ang kailangang malikom sa pagsasaayos ng operating room. Nauna nang na-renovate ng foundation ang PGH Pharmacy, ang matandang gusali sa bukana ng ospital na ngayon ay may makabagong pasilidad at air-conditioned pa.
Matatandaan na isa ang PGH sa beneficiary ng hindi na mabilang na charity undertakings namin ng yumaong Betty Go-Belmonte, founding president ng Pilipino Star NGAYON. Maraming outreach programs kaming ginawa nina Direk Willie Schneider sa PGH na hindi mabilang na mga pasyente ang nabiyayaan. Sa mga bukas-palad para sa fund raising project na ito, maaari ninyong kontakin sina Dr. Alvior at Ms. Lolita Mispuri sa PGH Nurses Home, ground floor, PGH, Taft Avenue, Ermita, Maynila.