Langit

(Bruno Hagspiel)

Adunay sulugilanon nga naghisgot mahitungod sa usa ka adunahang babaye nga nahiabot sa langit ug gipadayon sa usa lamang ka yanong balay. Ang adunahan, niangal. Apan siya giingnan: "Unsaon ta man, kana ra mang balaya ang imong giandam dinhi sa Langit." Nakit-an sa adunahang babaye ang usa ka mansiyon. "Kana kang kinsa man na?" pangutana niya. siya gitubag: Ah kana, sa imo nang hardinero. Unsa? Sa akong hardinero? Ngano gud tawon nga mas nindot pa man hinuon ang iya kay sa ako? Angal na pud sa maong babaye. Siya gitubag: "Bunga ka na sa mga materyales nga inyong gipadala dinhi sa langit. Dili kami ang nagpili kanila kondili kamo ang nagpili kanila pinaagi sa inyong mga binuhatan sa didto pa kamo sa kalibutan."

Pamalandong

Matag binuhatan adunay tugbang linugdangan.