Blessing

Bisag unsay kahimtang sa tawo, ma-dato, ma-pobre; ma-employed, ma-un-employed; ma-manager, ma-janitor; ma-pari, ma-sacristan; ma-senador, ma-metro aide; ma-presidente, ma-garbage collector; ma-nurse, ma-doctor; ma-comelec official, ma-botante, o ma-police o ma-vigilante, kitang tanan di gyud kalikay sa problema.

Kini tungod ang kalibutan mismo, kining temporaryong pinuy-anan nga gipapuy-an nato sa Ginoo, usa na man ka dakung problema. Ug misamot ang ka-problema tungod kay sa atong kahakog, buot natong angkonon ang tibuok kalibutan, we lie, we cheat, we steal, to achieve our goal, ug natural, in the process, mo-create gyud og dugang mga problema.

Mao kini karon ang kalibutan nga atong gipuy-an. Ang mahinungdanon, how to live with it. Apan, taliwa'a ining tanan, kanunay natong ma-overlook ang mga blessings nga atong nadawat matag-adlaw. Ato ning mataligam-an tungod sa kadaghan sa mga problema nga kanunay natong masugatan matag-adlaw.

Una sa tanan, ato lang gi-take for granted ang kinabuhi. Di baya unta kinahanglan nga buhi pa ta karong adlawa. Nganong di man ka magpasalamat nga bisag sa kahubog nimo gabii, nga giyayungan na lang ka sa imong mga kainom, wa'a na kay buot, apan pagkabuntag, nakamata gihapon ka. Di ba, usa na ni ka dakung blessing?

Atong amigo, si Nito Jabat (siyarog wa'a ka kaila ini niya), mi-text kanato: "If you woke up this morning healthy, you're more blessed than the million who will die this week. If you have never experienced danger of war (sama niining hitabo karon sa Lebanon), lonelinesss in prison (sama ni Erap, bisag di kaayo lonely), agony of torture (sama niining mga opisyales sa gobyerno nga wa'a na ganahi ang katawhan), or pangs of starvation (sama sa mga scavengers ug mga unemployed), you are ahead of 20 million people in the world."

Kon mao kini ikaw karon, pagkadaku ug kadaghan sa mga blessings nga imo karong giangkon.

Mipadayon si Nitz: "If you attend church with NO fear of harassment, arrest torture or death, you're more blessed than 3 billion people. If you have food in your ref, clothes, roof and place to sleep, you are richer than 75% of this world. Give thanks to God. You're" so abundantly blessed."

Thank you kaayo Nitz for the food for thought. Mao nga Dro, sige pa man kang ginhawa ron, nagsiga pa man nang imong mga mata, ug kalooy sa Dios duna pa man kay makaon, kapuy-an ug saput, daghan kag angayan ipasalamat sa Ginoo. Ka-wa'a sad nimoy utang kabubut-on uy! .