EDITORYAL - Survival of the fattest

Adunay plano si Cebu City Police Office director Supt. Melvin Gayotin nga hatagan og kahigayonan ang mga tambok nga polis sa pagpabilin sa serbisyo.

Mimando na ang hepe sa CCPO ngadto sa hepe sa Administrative Branch sa pagmugna og programa alang sa mga tambok nga polis.

Husto ang lakang nga gihimo ni Supt. Gayotin. Dili makiangayon nga iitsa puwera kining mga tambok nga polis tungod lang sa ilang pagkatambok.

Aduna gyoy paagi nga mahimo gihapon silang mapuslanon ug magamit sa organisasyon kun hatagan lang silag panahon sa pagpaus-os sa ilang timbang ug samtang gihuwat kining maong panahon idestino sila sa departamento diin ang ilang gidak-on dili makabalda sa operasyon sa kwerpo.

Ang maayong adoptahon nga giya sa atong kapolisan mao ang: "Survival of the fattest."