Garbo

(Tonne)

Usa ka bata nga gikan sa ikatulong grado ang nakadaog og medalya tungod sa pagkamaayo niyang mobasa. Tungod sa maong kadaugan, nahimo siyang mapagarbohon ug hambugero. Sa dihang niabot siya sa ila, iyang gihatagan og libro ang ilang katabang nga si Nora ug giingnan: "Basaha kuno ni Nora!?" Ang maong babaye nidumili nga nagkanayon: "Dili man ko kahibawong mobasa dodong." Ang bata tugob sa kahambog ang miadto sa iyang amahan nga nagkanayon: "Tan-awa ra gud Pa, ako nga otso anyos lang ang makabasa na ug nakadawat pa gyud og medalya unya kining si Nora nga atong katabang ang nanggungis ang dili hinuon makabasa!" Ang amahan sa hilom mikab-ot og libro sa may estante ug iya kining gihatag ngadto sa iyang anak dungan ang pag-ingon: "Si Nora nibati gyud og sama niini" Apan dili maantigong mobasa ang bata kay ang libro kinatsila man diay.

Pamalandong

Ayaw pagtuo nga nahibaw-an na nimo ang tanan kay ang tumang kahambog ug garbo magdala og kaulawan.