EDITORYAL - Aron respetuan ang kapolisan

"Usa ka radio commentator nadunggan nga miataki sa usa ka polis nga iyang ginganlan og "abusado."

Giataki usab ning maong komentarista ang polisiya sa Philippine National Police diin ang usa ka konpirmadong abusado nga polis ibalhin lang sa laing lungsod o probinsiya.

Matud niya ang usa ka abusadong polis dili lang ibalhin kundili taktakon gayud sa iyang katungdanan isip polis.

Misanong kami sa suhestiyon kun sugyot sa gihisgutan tang komentarista sa radyo.

Kun ibalhin lang sa laing lugar ang maong abusadong polis abusado lang gihapon kini ug lain nasang mga tawo ang mabiktima niini.

Taktakon mao hustong buhaton. Sa ingon lamang nga paagi nahibalik ang pagsalig ug pagrespeto sa katilingban ngadto sa atong kapolisan.