Tubag sa mga isyo: Ibutang sa kalimot!

Sa matag higayon nga i-confront sila sa mga dagkung isyo ug mga pangutana nga hangtud karon, wa'a gyud matubag ug wa'a kahatagig satisfactory nga katin-awan, ang standard nilang tubag: old issue na na, ibutang na sa kalimot, and let's move forward.

Maoy buot nilang ipasabot nga kon aduna man silay kasal-anan nga nahimo batok sa lungsod, nga kon pananglitan, nanikas sila sa miaging eleksyon, iniglabay sa pila ka tuig, ato na ning ibutang sa kalimot ug ma-abswelto na sila.

Hayahaya nila Dro, no?

Gumikan niini, mao karoy mihari ang mga speculation ug pinasagad nga mga assumption bahin sa ato karong kahimtang ug sa atong ugma. Ug mao say hinungdan ngano nga bisag unsaon nilag patuo nga maayo na atong kahimtang, di gyud mutuo ang lungsod tungod sa kaping-it sa panahon.

Ingonman, naglisod kitag unite sa atong kaugalingon, hinungdan nga di ta maka-move forward aron unta makaginhawa na ta, bisag ginagmay lang.

Ambut ngano nga maglisod man silag tubag sa mga pangutana. In fact, tungod kay ang Senado, nagsige mag pangita sa mga tubag ug sa kamatuoran, buot nilang i-abolish. Ilang gikontrahan ang Senado tungod kay di mohunong sa ilang mga imbestigasyon aron unta motuyhakaw ang kamatuoran.

Unsaon man tuod pagpalutaw sa kamatuoran nga ila mang did-an ang ilang mga tawo pagpaatubang sa Senado aron matubag ang mga pangutana ug aron ma-unearthed ang truth.

Unya, maoy ilang ipabilin ang Lower House nga gidudahan nga maoy nagpug-ok sa kamatuoran ug nagtabon sa alleged nga mga lying, cheating, and stealing.

Unta, mohunong na tag pamakak, panikas ug pangurakot. Limpiyohon na nato ang atong kaugalingon. Dugay nang na-wa'a si Marcos, nagka-grabe man hinoon ang mga isyo nga ato karong giatubang. Ug resulta niining tanan, maayong pagkahugno ang ekonomiya.

Nako personally, pananglitan, igo na lang kong mohatud ug mokuha sa akong asawa ngadto sa iyang opisina ug uli sa balay, ug the whole day, akong ibilin ang akong sakyanan sa iyang opisina, ug kon duna koy laing mga tuyo, mag-depasahero na lang, ug kon di kaayo layo, maglakaw na lang.

Ngano man ni? Niabot na ang panahon nga bug-at na gyud alang kanako ang presyo sa gasolina. Kini sa gasolina lang. Samot ang ubang palitonon.Unya, ila tang patuhoon nga miuswag na ang atong ekonomiya? Tuo ka nila, Dro? Unya, ila lang tang paka-limot-limotan sa ilang mga lapses in judgment?

Komentaryo? Text 0916-6488650.